發一崇德聖訓

日期:國曆中華民國99年(2010年）3月6、7日農曆中華民國九十九年歲次庚寅正月廿一、廿二日
主題:
道場:雲林道場
班別:社會界台語二天率性進修班
佛堂:莿桐　聖德宮
臨壇仙佛:活佛師尊

　中華民國九十九年歲次庚寅正月廿一日 莿桐 聖德宮
　　　　　　　　　　　　恭求仙佛慈悲指示訓

　　　私心妄想不應該　傷害之心不可懷
　　　共同生活的世界　互相保護為將來
　　　觀念愛跟著時代　加減學習像兒孩
　　　知足感恩人人愛　是上快樂的良才

　　　來者是
　　濟公活佛　奉
母命　來佛堂參
母駕　見我古錐徒兒啊
　　　精神好嘸（好）
　　　平心靜氣等師批訓　哈哈
　　　徒兒啊　師徒見面真難得
　　　好好將心放在這　專心來聽師的話
　　　好嘸（好）
　　　人生行到這　甘有滿意　甘有快樂
　　　每一個人　攏有家己的故事
　　　酸甜苦澀　無論啥物滋味　毋怕艱苦
　　　總算行到這陣　擱一擺想看覓
　　　過去行過的每一步　所留的腳印
　　　對家己生命的價值　影響有多少　
　　　除了家己以外
　　　對別人的影響是好的方面
　　　抑是歹的方面
　　　現在得了道入了班
　　　每一日攏是新的開始
　　　每一日攏有趣味的代誌
　　　每一個人攏應該歡歡喜喜過日子
　　　時間一年過一年
　　　歡喜是一日　痛苦也一日　
　　　囝孫自有囝孫福
　　　無私的愛是尚偉大的愛
　　　毋通以為我的囝我尚了解　聽我的才是
　　　請問徒兒啊　叨一個人是真正了解家己
　　　家己的心　無一定會了解
　　　何況了解別人　
　　　無所求的幫助別人成功
　　　也就是家己的成功　
　　　互相尊重來成長
　　　互相鼓勵苦難無　學道明理　
　　　誠心修道辦道
　　　探討聖賢仙佛為啥物成仙做佛　
　　　佛由人修　用心盡心來修心　道在心中
　　　在渡人　勸人向善
　　　在慈悲為懷　為眾生服務
　　　毋計較　毋比較　有能力者担起責任
　　　互相配合求圓滿　正是為師的徒弟
　　　也是明理的修道人　好嘸（好）
　　　俗語講　艱苦頭快活尾　人生是苦海
　　　是不是啊（是）
　　　知影苦就要找方法　跳出苦海　
　　　上天駕法船救渡眾生　因緣好的得了道
　　　好好珍惜　好好把握　人間的苦是暫時
　　　求啥物　求人間使命圓滿
　　　回理天快樂逍遙
　　　現在劫難一波又一波
　　　如何駕法船抵抗苦海風雨的打擊
　　　如何堅定家己心態　家己心志
　　　跟著為師　救苦救難
　　　發慈悲心　將還未得道的人
　　　接引上法船　是徒兒的責任　知影道理
　　　好好去做　好不好（好）
　　　時間也到中午吃飯　補充體力
　　　兩天時間　心定在這　毋通煩惱
　　　將新的每一日　快樂生活在人間
　　　好嘸（好）
　　　為師的話講到這
　　　祝福徒兒平安健康（謝謝老師慈悲）
　　　聖凡如意　再會啦　
　　　　　　　　　　　　　　　　　哈哈止