發一崇德聖訓

日期: 國曆中華民國100年(2011)09月24日 農曆中華民國一○○年歲次辛卯八月廿七日
主題:
道場: 雲林道場
班別: 社會界台語二天率性進修班
佛堂: 大林 普濟宮
臨壇仙佛: 活佛師尊

中華民國一○○年歲次辛卯八月廿七日 大林 普濟宮
　　　　　　雲林道場　嘉南區台語率性進修班
　　　　　　　　　　　　恭求仙佛慈悲指示訓
　　　上法船　上法船　有緣的人緊上船
　　　有緣渡　有緣渡　渡化善男來求道
　　　勸做好　勸做好　存心善事趕緊做
　　　麥耽誤　麥耽誤　天時緊急緊趕路
　　　用真心　用真心　渡化世人脫閻羅
　　　吾乃
　　濟公活佛　奉
母旨　到甲佛堂　趕緊參
母駕　擱來問一聲徒兒大家甘攏好
　　　徒兒平心靜待為師批訓章
　　　　　　　　　　　　　　　　哈哈
　　　天時緊急麥耽誤　有緣男女大道修
　　　抱著真心甲真意　一步一印用心做
　　　真心感動天甲地　真意感動有緣人
　　　抱著這份的使命　渡化大家麥墜落
　　　了脫苦海生死苦　輪迴了脫離過錯
　　　行功來做善心抱　孝順父母第一好
　　　真誠真意修道做　改變脾氣毛病無
　　　徒兒徒兒用心做　救化世人離苦楚
　　　把握天時大步走　時間千萬莫蹉跎
　　　修道好來修道好　善心對人平等做
　　　佛門平等拜佛陀　用心存虔天來助
　　　　　　　　　　　　　　　　知無
　　　徒兒啊大家甘好
　　　一大早有的徒兒著趕緊來這　東邊載　西邊載
　　　載這班員開法會　甭驚艱苦汗水流
　　　為著渡化咱這有緣的徒兒啊
　　　今啊日大家來這　歡喜嘸︵有︶
　　　﹁道﹂救人救世
　　　﹁道﹂可以改變這墜落的天理古心
　　　﹁道﹂是渡有緣
　　　所以今啊日　徒兒大家攏是
　　　甲為師有這個﹁千千萬萬年的師徒緣﹂
　　　今啊日咱才可以見面啊
　　　因此徒兒大家已經用心來這開法會
　　　就要用心來聽道理
　　　道理是麥要人走好路的代誌　做好事
　　　所以今日大家攏要用心來聽　好嘸︵好︶
　　　修道是要大家的天理良心找轉來　做出來
　　　對父母盡孝道是內心外表攏同款
　　　對父母的孝心是永遠袂改變
　　　所以盡著本份　做著對的代誌　在公司學校攏是同款
　　　一個修道人是做每一件代誌攏可以做好　大家甘知
　　　徒兒啊　法會的殊勝道甲教是全然無同的
　　　希望徒兒好好研究
　　　人生的路　人生的意義　為著什麼
　　　生也苦　死也苦　生生死死攏在輪迴走闖
　　　今日找到光明路　袜擱在十字路口找沒方向
　　　人生路已經有一盞明燈甲咱引路
　　　路啊路　有人走來是艱苦　坎坎坷坷沒好路
　　　有的人平平順順真好走
　　　是因緣　因果　是過去　是現在
　　　在未來的路大家攏要走平順
　　　只要徒兒用心做　存心善良做好事
　　　抱著真心渡有緣　改變自己
　　　這條路　未來就一定慢慢好走　知嘸︵知︶
　　　好　日後徒兒大家用心　真心對天對自己沒欺騙
　　　老老實實來修道　認理做　麥看形相
　　　放下過去比較心　驕傲的心
　　　今啊日好好找轉來你的﹁自己真面目﹂好甭好︵好︶
　　　好　為師送給大家徒兒
　　　攏有﹁一粒平安果甲一塊智慧餅﹂
　　　大家好好用心聽課
　　　兩天的課攏要有頭有尾聽乎完　好嘸
　　　佛堂的規矩要遵守
　　　恁坐在仙椅上　這是千萬年的機緣
　　　好好用心　抱著謙心來學道　好嘸
　　　好　時間有限　為師退隱在佛堂
　　　陪伴徒兒聽道理
　　　　　　　　　　　　　　　　哈哈止