發一崇德聖訓

日期: 國曆中華民國96年(2007)1月13日農曆中華民國九十六年歲次丙戌十一月廿五日
主題: 　
道場: 雲林道場
班別: 六和區社會界台語二天率性進修班
佛堂: 台東至善宮
臨壇仙佛: 濟公活佛

中華民國九十六年歲次丙戌農曆十一月廿五日　台東至善宮
　　　　　　　　　　　　　　　　　恭求仙佛慈悲指示訓

　　　世間人奔波勞碌　為名為利底走闖
　　　修道人存心虔誠　實心修煉換本容
　　　行道人抱本守元　綱常義理在日常
　　　辦道人慈悲為懷　普渡眾生上天庭

　　　吾乃
　　濟公活佛　奉
母旨　來到至善宮　先參
母駕　再問眾徒可安平
　　　主敬存誠守心玄　靜待為師批訓章
　　　　　　　　　　　　　　　　哈哈

　　　白陽大戲已開演　各人各有有使命
　　　為化眾生來凡塵　真心修行改脾氣
　　　先天大道降凡間　點化有緣眾原郎
　　　末後現在禍連連　唯有行功來避禍
　　　甭是濟公在胡言　真人真事在眼前
　　　三世因果底找緊　欠錢還錢有債主
　　　凡人不知有因果　種下累世的災禍
　　　今時有緣來體悟　參悟大道拜天然
　　　虛心抱道來真煉　終能了脫五行中
　　　金線一條來抱緊　無亂腳步有規範
　　　明白人生之真義　好好修道免煩惱
　　　學道真心謙虛抱　道理一點一滴做
　　　上天感動有撥轉　徒兒儘管來修道
　　　　　　　　　　　　　　　　好嘸

　　　徒兒阿　今天大家來開法會　有用心嘸(有)
　　　有叨要將心真正帶來　好嘸(好)　　
　　　聽道理甘有歡喜　嘛愛轉去做出來
　　　甭是聽歸聽　轉去放一邊
　　　那按奈　今日來就太可惜啊
　　　所以修道是先感化自己　改過去毛病　脾氣無改
　　　厝的人嘜那會認同道的寶貴咧
　　　一個人攏有後天的習慣　性地大　哪沒改得失人
　　　甭是擱卡可惜啊　人甲人做伙　就要結善緣　是嘸(是)
　　　你讓一句他就讓一步　是嘸　所以這就是修道的基本
　　　吃苦是人人沒願意　但是　咱那是要修道
　　　就要學會曉吃苦　吃苦才可以了苦啊　是嘸
　　　人來世間甭是來享受　你甭做
　　　等到一日想要做時　身體甭堪的
　　　那時甭叨怨嘆　是嘸(是)
　　　大家人提起精神　才囝仔人
　　　那會這無元氣　較大聲回答　好嘸(好)
　　　這才是濟公的好徒兒啊
　　　有煩惱甭免驚　將你的心靜下來
　　　用咱的真主人去想去做　一定有體悟　好嘸(好)
　　　至善宮是一個好所在　有山有水空氣好
　　　徒兒有閒叨要轉來　甲咱　老母　叩頭　好嘸(好)
　　　每一人　將心比心去想別人　那萬項代誌可以如此
　　　就沒誤解　是嘸(是)(太小聲)
　　　那會擱林記為師的交待　提出精神　好嘸(好)
　　　好好修道　好好行道　日後擱有較多的道理要學習
　　　好好來認真　相信道真理真天命真
　　　甲一般的教是無同款　道可以了脫生死輪週
　　　五行束綁　所以要真正來行道　千萬不可以半途而廢
　　　你真修立功德　會凍庇蔭祖先子孫
　　　你想　世間上　有比這較好的嗎
　　　所以　好好研究　道甭是迷信甭是執著
　　　甭是私我　是以心印心　修法不執法　行功不執功
　　　　　　　　　　　　　　　　　　　　　　　知嘸

　　　徒兒啊　好好聽為師的話　好好做　甭管修道的路有
　　　外艱苦　攏有為師伴徒身邊　一步一印　一季一年
　　　攏有為師伴徒走過　歡喜艱苦的過程　所以　修道是
　　　互相扶持鼓勵　甭是孤單是嘸(是)
　　　為師送給每一個徒兒　人人一粒平安果　一塊快樂餅
　　　希望徒兒會凍抱感恩的心來行道　用快樂的心來行道
　　　為師相信每一個徒兒攏可以平平安安回轉來
　　　因時有限　師隱一旁伴徒聽課
　　　　　　　　　　　　　哈哈止